
遍知贝玛嘎波大师教言集PK285རྗེ་བཙུན་ནཱ་རོ་ཆེན་པོའི་བསྲེ་སྐོར་གྱི་ཐོ་ཡིག་ཉིན་བྱེད་འོད་ཀྱི་སྣང་བྱེད་ཅེས་བྱ་བ་བཞུགས་སོ།།
22-1
༄༅། །རྗེ་བཙུན་ནཱ་རོ་ཆེན་པོའི་བསྲེ་སྐོར་གྱི་ཐོ་ཡིག་ཉིན་བྱེད་འོད་ཀྱི་སྣང་བྱེད་ཅེས་བྱ་བ་བཞུགས་སོ།།
༄༅། །རྗེ་བཙུན་ནཱ་རོ་ཆེན་པོའི་བསྲེ་སྐོར་གྱི་ཐོ་ཡིག་ཉིན་བྱེད་འོད་ཀྱི་སྣང་བྱེད་ཅེས་བྱ་བ་བཞུགསོ། ། ༄༅། །རྗེ་བཙུན་བླ་མ་དམ་པའི་ཞབས་ལ་འདུད། །ས་གསུམ་འགྲོ་ལ་སྙིང་རྗེའི་གཞན་
དབང་གིས། །རྫོགས་སངས་རྒྱས་རྣམས་གྲུབ་ཆེན་དཀར་རྒྱུད་གྱི། །བླ་མར་བཞེངས་ནས་སྙན་རྒྱུད་མཆོད་སྦྱིན་དུ། །རྣམ་གྲོལ་བདེ་བ་འགྱེད་ལ་ཕྱག་འཚལ་ལོ། ། ༈ ཀ་དང་པོ་ལ་ཤིན་ཏུ་རྨད་དུ་བྱུང་བའི་
རྒྱུད་ཆེན་པོ་བཀའ་ཡང་དག་པའི་ཚད་མ་ཞེས་བྱ་བ་མཁའ་འགྲོ་མའི་མན་ངག་འདི་ཉིད་ཨོ་རྒྱན་གྱི་ཡུལ་དྷརྨ་གཉྫོར་རྒྱ་རིམ་པ་བདུན་གྱིས་བཏབ་པ་ལས་མཁའ་འགྲོ་དང་མཁའ་འགྲོ་མ་རྣམས་
ཀྱིས་ཅུང་ཟད་ཅུང་ཟད་སྐལ་བ་དང་ལྡན་པ་ལ་མཆེད་པས་འཛམ་བུའི་གླིང་དུ་སྙན་རྒྱུད་གྱི་ཆུ་བོ་ཆེན་པོ་བཞིར་གྲགས་ལ། ཡོངས་སུ་རྫོགས་པ་ཉིད་ནི་འོག་མིན་གྱི་ཞིང་ནས་ཏིལ་བརྡུང་
ཞབས་ཀྱི་ཐུགས་རྗེས་དྲངས། །ཇོ་བོ་ནཱ་རོ་ཏ་པ་ཞེས་སྙན་པའི་གདུགས་དཀར་པོ་སྲིད་པ་གསུམ་ན་འགྲན་ཟླ་མེད་པར་བསྒྲེང་བ་དེའི་སྤྱོད་ཡུལ་དུ་མཛད་པས། དེ་ཉིད་ཀྱི་ཁྱད་པར་གྱི་ཆོས་
སུ་གྲགས་པ་བསྲེ་འཕོ་གནད་གྱི་མཚམས་སྦྱོར་ཞེས་བྱ་བ་འདི་སྒྲ་བསྒྱུར་ཆེན་པོ་མར་པ་ཡན་དུ་ཡི་གེ་རིགས་སུ་འཁོད་པ་མཛད་བྱང་ཆེད་དུ་བཏབ་པ་དེ་དག་ཙམ་ཡིན་ལ། གཞན་ཡི་གེ་མེད་པར་མི་བརྗེད་པའི་གཟུངས་སུ་བཞུག་པ་སྟེ། 
22-2
ཕྱིས་རྗེ་བཙུན་ཆེན་པོ་དང་། རས་ཆུང་པ་དང་། ཅོག་རོ་བོན་སྟོན་ཞེས་བྱ་བའི་ཡབ་སྲས་གསུམ་གྱིས་འདི་ཀར་བཞག་ན་ཚིག་ཉམས་པ་དང་། ཡང་། ཁྲིགས་ཆགས་སུ་བྲིས་ན་ཕལ་གྱིས་མཐོང་ནས་ཚོང་
འདུས་ཀྱི་འོ་མ་བཞིན་འདྲ་མིན་མང་པོར་གྱུར་དོགས་ཡི་གེའི་རིགས་སུ་མཛད་ཅིང་། གསིལ་བུར་དཀྲུགས་ཏེ་བཞག་པ་ནི་མཛད་བྱང་མེད་པ་འདི་དག་ཡིན་ལ། དེའི་སྟེངས་སུ་བླ་མ་གོང་མ་གཞན་
དག་གིས་མཛད་པ་གཅུག་ལ་དུ་འོས་པ་དཀར་ཆག་ཏུ་བཏབ་བ་འདི་ལྟ་སྟེ། ༈ ཀ་པ་ལ། བཀའ་བཞི་བརྒྱུད་པའི་ལོ་རྒྱུས་གླིང་རས་ཀྱིས་མཛད་པ། ༈ ཁ་པ་ལ། གནས་པ་རྩ་། གཡོ་
བ་རླུང་། བཀོད་པ་བྱང་ཆུབ་ཀྱི་སེམས། རྡོ་རྗེའི་མགུར། སྦ་བཞི། ཚིག་བསྡུས། འཆི་ལྟས་བརྟག་པ་རྣམས་ནཱ་རོ་པས་མཛད་པ། ཚིགས་བཅད་བརྒྱད་པ་མར་པས། བསམ་མི་ཁྱབ་ཏོག་རྩེ་པས་མཛད་པ་སྟེ་
ཕྲ་མོ་དགུ་བཞུགས། ༈ ག་པ་ལ། གཏུམ་མོ་ཀ་དཔེ། འཕོ་བསྲེ་ཆེན་མོ། ཅིག་ཅར་བ། རིམ་གྱིས་པ། མཁའ་འགྲོ་བཀའ་དྲུག་རྣམས་དང་། ཟུང་འཇུག །ཚོད་ཀ་བཅོ་བརྒྱད། ཟད་པར། སྣང་བ་གསུམ་སྟེ་
ཕྲ་མོ་བཞི་དང་། ཐབས་ལམ་གསལ་སྒྲོན་ཆོས་རྗེས་མཛད་པ་ལ་ཕྱིས་ཆོས་རྗེ་གཞོན་ནུ་སེང་གེས་ཅུང་ཟད་རྒྱས་སུ་བཏང་བ། སྦྱོ་དྲུག།།རིམ་ལྔ། འབྲས་བུ་ཀ་དཔེ་ཆུང་ངུ་སྙན་རྒྱུད་དུ་བཀྲལ་བའི་ཕྲ་མོ་བཞི་རྣམས། 
22-3
༈ ང་པ་ལ། གསང་བ་འདུད་རྩིའི་ཆུ་རྒྱུན་དང་། རླུང་གི་ཡིག་ཆུང་མར་པས་མཛད་པ། རླུང་གི་དེ་ཉིད་གསལ་བ་རས་ཆུང་པས་མཛད་པ་རྣམས་ཏེ་ཕྱི་མ་གཉིས་ཕྲ་མོ་རྣམས། ། ༈ ཅ་
པ་ལ། རྗེ་རས་པ་ཡབ་སྲས་ཀྱི་དྲི་བ་དང་དྲིས་ལན་བཅོ་བརྒྱད་པ། ༈ ཆ་པ་ལ། སྟོང་མཐུན་གསལ་སྒྲོན། རླུང་ཇོ་ཡེས་ཀྱི་ཟིན་བྲིས། དེའི་བསྡུས་དོན་དང་ལྷན་ཐབས། ༈ ཇ་པ་ལ།
དབང་བཞི། བསྲེ་བ། སྦྱོར་དྲུག །རིམ་ལྔ་ཕྱི་མ་འདི་ནཱ་རོས་མཛད་ཟེར་ཡང་། མར་པའི་གསུང་མགོ་ཡགས་ཀྱིས་ཟིན་བྲིས་བྱས་པ་ཡིན། ཕྱག་རྒྱ་བཞི་ནཱ་རོ་འགྲེལ་ཆེན་ནས་ཕྱུང་བ། ལས་རྒྱ་རྣམས་
ཀྱི་ལམ་སློང་། བྱང་སེམས་ལོག་གནོན། རྩ་རླུང་གི་དེ་ཉིད་གསལ་བྱེད་གེགས་སེལ་ཡིད་བཞིན་ནོར་བུ་མར་པས་མཛད་པ། ཡོན་ཏན་ཕུན་ཚོགས། ༈ ཉ་པ་ལ། གཡོ་བ་རླུང་གི་མན་ངག །གཏུམ་མོ་
ལ་ཚན་པ་ལྔ་གཙུབ་ཤིང་མ། གསང་སྒྲུབ། མཻ་ཏྲི་ལུགས་ཀྱི་འཁོར་ལོ་གཉིས་བཞི། གཏུམ་མོ་དགུ་སྐོར་གྱི་ལུས་གནད། མཁའ་འགྲོ་རྩེ་ལྔ། གཞུང་གི་ལྷན་ཐབས། ཆོས་དྲུག་གི་ཆིངས། གཏུམ་མོ། རྨི་ལམ་
འོད་གསལ། འཕོ་བ་ལ་བཞི་བར་དོ་ལ་གཉིས། འཆི་ལྟས་བརྟག་པ། ཚེ་བསྲིང་བ་སྟེ་ཕྲ་མོ་ཉེར་དགུ། ༈ ཏ་པ་ལ། འཁོར་བ་འཇུག་ལྡོག་གླིང་གིས་མཛད་པ། ༈ ཐ་པ་ལ། སྟེང་སྒོ་ཚིག་བཅད་མ་དང་། 
22-4
འོག་སྒོ་བཻཌཱུརྱའི་ཐེམ་སྐས། དེའི་ལྷན་ཐབས་གསུམ་ཕག་གྲུ་པས་མཛད་པ། རྗེ་བཙུན་གྱི་འཕྲང་སྒྲོལ་ཞུས་ལན། སྨར་ཁྲིད་དགེ་བྲག་མ་ཀུན་དགའ་སེང་གེས་མཛད་པ་རྣམས། ༈ ད་པ་ལ། རྒྱལ་བ་ལོའི་
ཞུས་ལན། གཏུམ་མོའི་གེགས་སེ་ལ་ཕག་གྲུས། བསམ་མི་ཁྱབ་ཀྱི་སྒོམ་རིམ་བརྒྱད། བདུད་རྩི་འོད་ཟེར་ཅན། དེའི་བསྡུས་དོན་ཏེ། ཡི་གེ་རགས་པ་བཞི་བཅུ་དང་། ཕྲ་མོ་ཞེ་བརྒྱད་དེ་བརྒྱད་ཅུ་གྱ་
བརྒྱད། རྩ་བ་བསྣན་པས་གྱ་དགུ་རྣམས་ལ་ཆོས་རྗེས་བསྲེ་འཕོ་བཤད་པའི་སྐོར་ལ། གཞུང་སྟོང་མཐུན་ཞལ་གདམས། ཀ་དཔེ་ལ་སོགས་པ་གཞུང་། གསལ་སྒྲོན་ལ་སོགས་པ་སྟོང་མཐུན། དབང་བཞི་ལམ་སློང་སོགས་
ཞལ་གདམས་སོ། །ཕྲ་མོའི་ཡི་གེ་ཐམས་ཅད་ལ་བྲུལ་ཚོ་བློ་བརྡེག་གི་སྐོར་ཞེས་དང་། འཁོར་བ་འཇུག་ལྡོག་ལ་སྤྱི་ཁྱབ་ཀྱི་སྐོར་དང་། ཚིག་བཅད་མ་སོགས་ལ་མངོན་པར་རྟོགས་པའི་སྐོར་དང་། ལོའི་
ཞུས་ལན་སོགས་ལ་ཞལ་གདམས་གནད་ཀྱི་སྐོར་ཞེས་ལྔར་ཕྱེ། འདིའི་སྟེང་དུ་རྟོག་པ་ལམ་འཁྱེར་གྱི་ནད་འདོན་གྱི་སྐོར་ཞེས་རོ་སྙོམས་བསྣན་ནས་ཐབས་ལམ་གནད་ཀྱི་སྐོར་དྲུག་ཅེས་འཇོག་པར་མཛད་དོ། །
དེ་ལྟར་ཡི་གེ་རྙིང་པའི་རིགས་མང་ཡང་ཤིན་ཏུ་གཅེས་པ་འདི་དག་གོ་ཞེས་པད་མ་དཀར་པོས་ཐོ་ཡིག་ཏུ་བཀོད་པའོ།། །།མངྒ་ལཾ།། །།


